ඉංග්‍රීසි වචන කටපාඩම් කරලා දවසක් දෙකකින් අමතක වෙනවාද? ඒක ඔයාගේ වරදක් නෙවෙයි. අපේ මොළය එහෙම වැඩ කරන්නේ. ඒත් කලින් ඉගෙන ගත් දේ ආයෙත් බලන ක්‍රමයක් භාවිතා කළොත් වචන දිගු කාලයක් මතක තියාගන්න පුළුවන්. 1. දවසකට වචන 5ක් විතරක් වචන 50ක් එකපාරට ඉගෙන ගන්න හදනවාට වඩා දවසකට 5ක් ඉගෙන ගන්න. ඒ වචන වාක්‍යයක තියලා ඔයාගේම වාක්‍ය හදන්න. උදා: "Brave" කියන්නේ ධෛර්යවන්ත. "My brother is brave." කියලා ලියන්න. 2. දැකලා ඉගෙන ගන්න වචන පොඩි කඩදාසි වල ලියලා කාමරයේ බිත්තියේ, කණ්ණාඩිය ළඟ, පොතේ පිටු අග ඇලවෙන්න. දවසේ ගොඩක් වාර ඒක ඇහැට පතිත වෙනකොට මතකයේ රැඳෙනවා. 3. සිංහල වචනයක් එක්ක සම්බන්ධ කරන්න (Mnemonic) ඉංග්‍රීසි වචනයක ශබ්දයට සමාන සිංහල වචනයක් එක්ක පොඩි කතාවක් හදාගන්න. විහිළුවක් වුණත් කමක් නෑ, හිතේ රැඳෙන දේ හොඳයි. 4. නිතර නැවත බලන්න ඉගෙන ගත්තට පස්සේ: පහුවදා, දවස් 3කින්, සතියකින්, මාසයකින් ආයෙත් බලන්න. ShortMe Flashcards භාවිතා කරලා ඔයාගේම වචන කාඩ්පත් හදාගන්නත් පුළුවන්. 5. ඉංග්‍රීසි පරිසරයක් හදාගන්න • කෙටි ඉංග්‍රීසි කතා, පුවත්, ලිපි කියවන්න • සිංහල උපසිරැසි සහිත ඉංග්‍රීසි වීඩියෝ බලන්න • ඔයාගේ දවසේ අත්දැකීම් පොඩි ඉංග්‍රීසි වාක්‍ය 3කින් දිනපොතක ලියන්න විභාගයට උපදෙස්: • රචනා සහ ලිපි ලිවීමේදී ඔයා දන්න සරල වචන නිවැරදිව භාවිතා කරන්න. අමාරු වචන වැරදියට යොදනවාට වඩා සරල වචන නිවැරදිව යොදන එක හොඳයි. • Spelling සහ Grammar පරීක්ෂා කරන්න කාලයක් තියාගන්න. ඔයාගේ ප්‍රියතම ඉංග්‍රීසි වචන Trick එක මොකක්ද? බෙදාගන්න, අනිත් යාළුවන්ටත් ප්‍රයෝජනයි!